போராடும் பெண்மணிகள்!

•    உலகம் முழுவதும் முறைசாரா தொழில்களில் பணிபுரிவோரில் சுமார் 50 கோடி பேர் பெண்கள்.

•      உலக அளவில் சுமார் 30 சதவீதம் குடும்பங்களுக்கு பெண்களுடைய வருமானம் மட்டுமே முக்கியமான வருவாயாக உள்ளது

•    இந்தியாவில் சுமார் 6 கோடி குடும்பங்களை பெண்களே சம்பாதித்து நடத்துகின்றனர்.

•    உலகம் முழுவதும் உள்ள 13 மில்லியன் அகதிகளில் அதிகமானோர் பெண் குழந்தைகள்.

•   ஒரு வயதுக்குக் குறைந்த ஹிந்துப் பெண் குழந்தைகளில் திருமணமாகி விதவையானவர்கள் 612, 5 வயது விதவைச் சிறுமிகள் 2024, 10 வயது விதவைச் சிறுமிகள் 97857, 13 வயது விதவைச் சிறுமிகள் 3, 32,000. இதெல்லாம் எப்போது? 1921-ல்.

•   உலகின் முதல் தொலைக்காட்சி அறிவிப்பாளர் ஜெர்மன் நடிகை உர்சுலா பேட்ஸ்கி 1934-ல்.

•   எவரெஸ்ட் சிகரத்தை அடைந்த முதல் பெண் ஜங்கோ தாபெய்-ஜப்பான். 10.05.1984 (21 வயதி

•   அமெரிக்காவில் பெண்களுக்கு 26.08.1920 அன்றுதான் ஓட்டுரிமை அளிக்கப்பட்டது. (சுதந்தரம் அடைந்து 150 வருடங்களுக்குப்பின்)

•   நோபல் பரிசு பெற்ற முதல் பெண் செல்மாலா கார்லாப் – ஸ்வீடன் (1905-ல் இலக்கியத்திற்காக)

•      உலகின் முதல் பெண்கள் விமானப்படைப் பிரிவு 1918 ல் பிரிட்டனில் ஆரம்பிக்கப்பட்டது.

•   விம்பிள்டன் போட்டிகளில் பெண்களும் கால்சட்டை அணியலாம் என்று 16.05.1934 அன்று அனுமதிக்கப்பட்டது.

•   இந்தியாவின் முதல் அழிகியாகத் தேர்ந்தெடுக்கப்படவர் ரீட்டா ஃபாரியா என்கிற மருத்துவ மாணவி. (17.12.1966)

•   இந்தியாவின் முதல் N.C.C. கல்லூரி 1965 ல் குவாலியரில் ஆரம்பிக்கப்பட்டது.

•   உலகத்திலேயே பெண் விமானியை வேலைக்கு எடுத்துக்கொண்ட முதல் நிறுவனம் இந்தியன் ஏர்லைன்ஸ்தான். இதில் 13% பேர் பெண்கள். 18 பெண்கள் விமானிகளாக உள்ளனர்.

•   காமா என்ற பெண் ஜெர்மனியில் இந்திய தேசிய காங்கிரசின் கூட்டத்தில் சேலைத் தலைப்பைக் கிழித்து தேசியக்கொடியாய் உயர்த்திக் காட்டினார். அதுவே பின்னர் அசோகச் சக்கரமும் வெண்மையும் சேர்ந்து தேசியக்கொடியாயிற்று.

இரகசியத் தோழி

தூண்டிவிட்ட தேடல்கள்

தூக்கிலிட்ட தோல்விகள்

சிற்பமாக்கிய அனுபவப் பொழுதுகள்

உளியாக்கிய கால நிகழ்வுகள்…

அத்தனையும் சுமக்கும்

நெஞ்சப் பொதியில்

குவிந்து போயின

உணர்வுக் குப்பைகள்.

குப்பை கொட்ட

தொட்டி தேடினேன்

பிறர் மனத்தொட்டியில்

கொட்டி வைத்தால்

உதட்டுக் காற்று என்

குப்பை எடுத்து வேறு

செவித் தொட்டிக்கு இடம் மாற்றிவிடும்

இடம் மாறினால்

குப்பையின் நிறம் மாறிவிடும்

இரகசியத் துகள்கள்

அரிதாரம் பூசி

அவதாரம் எடுத்து

வீதிகளில் மணந்து திரியும்

தொலையக்கூடாத குப்பைகளைப்

பத்திரப்படுத்த

வேறு தோட்டி தேடினேன்

தேடலின் விளிம்பில் நீ

தொட்டியாய் சிக்கினாய்

என்

கனத்த உணர்வுகளைக்

கழற்றி வைத்தேன்

உன்னுள்

வேர்க்க வைத்த நினைவுகளும்

வேக வைத்தத் துயரங்களும்

விதையாயின உன்

காகிதக் களத்தில்

பூட்டிடாத வார்த்தைகள்

வெளி மூடாத எண்ணங்கள்

நாணிய நிமிடங்கள் மனம்

கூனிய பொழுதுகள்

இரகசியம் ஏதுமின்றி

இரகசியமாய்ப் பதிவு செய்தேன்

என் ப்ரிய டைரியே

பின்னொரு நாள் உனைப் புரட்டினால

பூக்கச் செய்திருப்பாய்

உன்னுள் பதியமிட்ட என்

வாழ்க்கை விதைகளை!

ஒரு  கவிதைத் தொகுதியை வாசித்துக் கொண்டிருந்தபோது என்னைக் கவர்ந்த கவிதை இது!