திங்கள், 19 செப்டம்பர், 2011

காதலிக்கு பிறந்தநாள் வாழ்த்து!?

   என் பூவுலக தேவதைக்கு
   இன்று பிறந்தநாள்!
   வாழ்த்துக் கூற வார்த்தைகளைத்
   தேடுகின்றேன் –
   வரிகளே அமையவில்லை.
   உன் பிறந்தநாள் பரிசாக, -இனி
   நீ வேண்டும் என கேட்கமாட்டேன்.
   ஆனால்,
   நேசிப்பதை நிறுத்த
   என்னால் முடியாது.
   மறுக்காதே!
   மறக்க மட்டும் சொல்லாதே!
   மரணத்தின் போது நிச்சயம்
   மறந்து போவேன்! – இனி
   என் நேசம்
   அதிராது, ஆடாது, ஆவேசப்படாது.
   என் வேதனைக்கு மருந்து
   நீ மட்டும்தான்.
   அனுபவங்கள் அறிவை வளர்த்தாலும்
   அசட்டுத்தனங்களைக்
   குறைப்பதில்லையாம் – இது
   ஆழ்ந்த நேசம் என்று புரிந்தாலும் சரி,
   அசட்டுத்தனம் என்று ஒதுக்கினாலும் சரி!
   உன்னை காயப்படுத்தவில்லை – என்
   காயங்களுக்கு மருந்து போடக்
   கேட்கிறேன்.
   நடப்பது நடக்கட்டும்
   நட்பே தொடரட்டும் –உன்
   ஜனன நாளில் என்
   மரணம் நிகழட்டும்.
   உனக்காக வாழத்தலைப் பட்ட
   ஓர் உயிரின் நினைவு – உன்
   ஒவ்வோர் பிறந்த நாளிலும் வந்து
   நினைவூட்டட்டும்!

0 கருத்துகள்:

கருத்துரையிடுக

வந்தது வந்தீங்க. ஏதாவது சொல்லிட்டுப்போங்களேன்!